Buruntzaldea Igeriketa - Albisteak

Gabonak direla eta, hauek izango dira multzo desberdinek izango dituzten egutegi eta ordutegiak. Norbaitek, egunerokoan, bere adinekoa ez den talderen batekin entrenatzen badu, ohikoa duen talde horren egutegia eta ordutegiak hartu behar ditu erreferentzia gisa. Andoaingo haur eta gazteek ere Lasarte-Orian izango dute entrenamendua, dagokien adinaren egun eta ordutegian, abenduaren 26tik urtarrilaren 12ra bitartean kiroldegiko sapaiko lanak gauzatzea aurreikusita dagoelako.

11 taldeko errekor berri eta marka pertsonal zakukada Eibarren

Pasa den larunbatean, hilaren 11n, taldeko master taldeko lau kide Eibarko Ipurua kiroldegian izan ziren, Gipuzkoako Open Master Txapelketa n lehian. Bertan izan ziren Manu Santos, Miren Bardaji, Borja Apeztegia eta Itsaso Tolosa. Lauren artean marka pertsonal andana eta taldeko errekor berri ugari ezartzea lortu zuten. Hori baino garrantzitsuago izan zen, hala ere, master taldeko igerilariak berriro ere lehian izatea eta txapelketaren jardunarekin horrenbeste gozatzen ikustea. Jardunaldiak bi saio izan zituen eta saioetako bakoitza errelebu batekin hasi eta amaitu zen. Gure taldekideek eraketa mistoan bi errelebu osatu zituzten: lau estiloetako 4x50 metrokoa eta estilo libreko 4x50 metrokoa. Horretaz gain, taldekide bakoitzak bi edo hiru banakako proba ere burutu zituen: Manu Santos-ek 200 librea eta 100 librea. Miren Bardajik 100 bular proba eta 400 librea Borja Apeztegiak 50 bular proba eta 50 librea Itsaso Tolosak 50 eta 100 bizkar probak eta 50 tximeleta Orokorrean, gure taldekide...

Hitzordu berria: XXIV. Paco Sánchez Saria

Larunbat honetan, Tolosako Usabalen, benjaminak eta alebinak XXIV. Paco Sánchez Saria n izango dira. Adinaren arabera, igerilariek proba desberdinak izango dituzte, programako aukerak hauek direlarik: 50/100 tximeleta, 50/100 bizkar, 50/100 bular, 50/100 libre eta lau estiloetako 200 metrokoa. Trofeoa estilo libreko 12x50 errelebu mistoarekin amaituko da. Gure taldeko 24 haur izango dira bertan. Saria 15:30etan hasiko da. Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia Animorik haundienak denoi!! BRNPWR!!

Lan bikaina Neguko Ligako 3. jardunaldian

Pasa den abenduaren 15ean, igande goizean, Neguko Ligako 3garren jardunaldia ospatu zen Maialen Chorraut kiroldegian. Lehiaketa gure taldeak antolatu zuen. Bertan Garazi Etxeberria, Miren Sarobe, Alba Escribano, Irati Etxeberria, Oihan Matute, Ibón Elola, Mario Amantegi, Amaiur Iparragirre, Itxaso, Iparragirre, Nora Miguelez, Ane Meyer, Ander Martínez eta Laida Guerrero izan ziren. Gure igerilariek estilo libreko 400 metrokoan, lau estiloetako 200ekoan, tximeleta erako 200 metrokoan, estilo libreko 100 metrokoan, bular eta bizkar estiloetako 50 metrokoan eta alau estiloetako 4x50 erreleboetan hartu zuten parte. Lehia 400 libre probarekin hasi genuen. Nahiz eta igerilariak euren marka onenetara ez hurbildu oso baliagarria izan zen nahi ditugun helburuak lortzeko eta igerilariek euren burua neurtzeko. Egindako lanarekin oso pozik gaude eta baikor gara etorkizunera begira. Estilo libreko 400 metrokoaz gain, 200 metroko probak ere izan genituen eta bertan marka hobekuntza ugari eta sentsaz...

- Lege oharra eta Baldintza Orokorrak
- Pribatutasun Politika eta Datu Pertsonalen Babesa
- Patrozinio dosierra

Blogger zerbitzuak eskainia