Nahiak bular estiloko maila onari eusten dio

Joan den asteburuan Bartzelonan izan zen Nahia Zudaire, Club Natació Barcelonak antolatutako Igeriketa Egokituko 9. Nazioarteko Sarian lehiatzen. Era berean, garaikur hau Axa Ligako lehen jardunaldia izan zen.

Nahia txapelketan 400 libre, 50 bular, 200 libre eta 50 librean lehiatu zen. Larunbatean igeri egindako lehen bi probetan, 50 bular proban lortutako 44,58 marka nabarmendu behar da, SB7 klaseko Europako errekor gisa duen 44,07tik oso gertu dagoen marka. Bi probetan finalean egon zen. 400 librearen kasuan, A finalean egon zen, lehen postuan 5:09,50ekin amaituz. Bular estiloko probaren kasuan, B finalean igeri egin zuen, eta bederatzigarren amaitu zuen aipatutako markarekin.

Igeri egindako azken bi probetan, igandean, jardun diskretuagoa izan zuen: 2:38,19 200 librean eta 35,28 50ean, biak kanporaketa serieetan.