Gure taldeko igerlariek bi hitzordu izango dituzte asteburu honetan, biak ere Ordiziako Majorin.
Alde batetik, benjaminek euren denboraldiko Benjamin Jaialdiko 1. jardunaldia izango dute Ordiziako Majori kiroldegian. Gure txikiek, 2016an, 2015ean eta 2014an jaiotakoek, 50 edo 100 librea eta bizkar estiloko 6x25 errelebu mistoa izango dute. Horretaz gain, saioa hasi aurretik, talde guztietako igerilariak nahastuta 6x25 krol hankak errelebua ere izango dute. Jardunaldi hau arratsaldeko 15:15etatik aurrera hasiko da.
Bestetik, aurreko saioa amaitu ostean eta Ordiziako Majorin bertan, alebin taldearen txanda izango da, Alebin Ligako 2. jardunaldian. Jardunaldi hau aurrekoa amaitu ostean hasiko da, 18:00 aldera, eta igerilariek estilo libreko 100 metroak eta lau estiloetako 200 metrokoa izango dituzte. Bizkar estiloko 50a egingo duenik ere izango da. Saio amaieran estilo libreko 4x100 errelebua izango dute eta saio hasieran, aurrekoan egin zuten bezela, talde guztietako igerilariak nahastuta 25 metroko hanken lasterketatxoak ere izango dituzte, kasu honetan bizkar estiloan.
Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl
Animorik haundienak denoi!! BRNPWR!!
Iruzkinak
Argitaratu iruzkina