Master kategoriako Europako Txapelketarako gutxienekoak lortuta itzuli zen Mikel Esnal Getxotik - [EUS] Buruntzaldea Igeriketa- Albisteak

Breaking

Home Top Ad

Sin%2Bt%25C3%25ADtulo-1%2Bcopia

Post Top Ad

Responsive Ads Here

2021(e)ko urtarrilakren 26(a), asteartea

Master kategoriako Europako Txapelketarako gutxienekoak lortuta itzuli zen Mikel Esnal Getxotik

Pasa den igandean, Mikel Esnal Getxoko Fadura igerilekuan lehiatu zen "Bizkaia Open Master IV Sari Nagusia"n, etorkizunerako baliagarriak zaizkion markak erregistratzeko asmoz.


Mikelek maiatzean jokatuko den Master kategoriako Europako Txapelketan parte hartzeko erronka ezarri dio bere buruari eta bertan parte hartzeko, beste hainbat txapelketatan bezala, gutxiengoak behar ditu. "Bizkaia Open Master IV Sari Nagusia" txapelketa egokia zen horretarako eta helburu horrekin joan zen. Garai hauetan beharrezkoak diren segurtasun neurriak betez eta aforo kontuak errespetatzeko asmoz, bi jardunalditan burutu zen txapelketa. 

Igande goizean Mikelek 50 libre eta 50 bizkar probak burutu zituen (hauek ere bi txanda ezberdinetan) eta arratsaldean berriz, 100 libre proba. Lehen proban 25,16an geratu zuen kronoa, uretan posizio egokia hartzea lortu gabe, baina gutxiengoa lortuz. Bizkar estiloko 50 metrokoan berriz, 29,32 egin zuen eta nahiz eta entrenamenduetan estilo honetan lanik ez egin, bertan ere gutxienekoa eskuratu zuen. Arratsaldeko saioan 100 libre proba zuen. Azken 2-3 urteetan apur bat alde batera utzi du errespetu asko eta probarako segurtasun faltagatik. Berarentzat zaila zen proba honetan gustura geratu zen Esnal 55,71 eginez eta proba honetan pixkanaka lasaiago eta erosoago sentitzea lortuz.

Orokorrean gustura etxeratu zen gure taldekidea, baina badaki oraindik lanean jarraitu behar duela. Azken 2-3 urteetan, bizitzen ari garen pandemia egoeragatik eta beste hainbat arrazoirengatik, ez du aukera handirik izan entrenatu eta lehiatzeko. Beraz, entrenamenduekin aurrera jarraitu eta aukera berriak baliatzea baino ez da geratzen!!

Aupa Esnal!! ZORIONAK!!


iruzkinik ez:

Argitaratu iruzkin bat

Post Bottom Ad

Responsive Ads Here