Joan den martxoaren 15ean Benjamin Jaialdiaren 4. jardunaldia ospatu zen Tolosako Usabal kiroldegian. Bertan parte hartu zuten gure igerilari hauek: Nora Becerra, Yeiker López, Leire López, Oier Azpiazu, Arane Erro, Uxue Apeztegia, Malen Diez, Alaia Iparragirre, Izar Iparragirre, Aiur Jauregi, Noa Blanco, Naroa Mitxelena eta Katixa Iparragirre.
Arratsaldea 25 metroko bualar hanken serie batekin hasi genuen, eta hori oso baliagarria izan zitzaigun estilo horren ostikoaren eraginkortasuna eta efizientzia baloratu ahal izateko. Serie hau, normalean egiten dugun bezala, ausazko serie ezberdinetan parte hartzen duten pertsona guztiak nahastuz igeri egin genuen.
Ondoren, jardunaldiari ekin genion, eta 25 tximeleta eta 50 tximeleta izan genituen proba nagusi. Lehenik eta behin, 25 metrokoa izan zen eta gero 50 metrokoa. Laburrena Leire López eta Oier Azpiazu aritu ziren eta 50 metrokoan berriz Arane erro, Aiur Jauregi, Uxue Apeztegia, Noa Blanco, Yeiker López, Izar Iparragirre, Katixa Iparragirre, Alaia Iparragirre eta Naroa Mitxelena aritu ziren. Estilo hau entrenatzen denbora gutxi daramagula kontuan hartuta, erakutsitako maila ikaragarria izan zen.
Ondoren, une garrantzitsu bat iritsi zen, gure igerilari Nora Becerrak 100 tximeleta eta 400 libreko probetan parte hartu baitzuen. Gogo handia erakutsi zuen, eta batez ere ausardia. Kontuan izan behar da adin horietan oso proba zorrotzak direla eta bakarrik egin zituela igeri. Gure igerilariak saio ikusgarria izan zuen, ziur gaude etorkizun ona izango duela horrela jarraitzen badu.
Saioa amaitzeko bular estiloko 6x25 errelebu mistoa izan zuten txikiek.
Oso pozik gaude azken jardunaldi honetan ikusitakoekin. Gure haurrek hobekuntza oso handia egin dute, eta erakutsitako gogoak, ilusioak eta esfortzuak motibatzen gaituzte. Apirilaren 5ean Hernanin izango dugu hurrengo jardunaldia. Bertan, dagoeneko prestatzen eta igeri egiteko irrikaz dauden lau estiloetako 100 metrokoa izango ditugu.
Aupa Buruntxikiak!
Iruzkinak
Argitaratu iruzkina