Aurreko larunbatean, abenduaren 25ean, jendea oparien bila esnatzen ari zen bitartean beste gertakizun bat ari zen ospatzen Donostiako kontxako hondartzan. Urtero ospatzen den Kontxapuzoia.
Aurtengoa, IV. ekitaldia izan zen eta ateratako irabaziak pakistaneko umeentzat bideratu zituzten. 100 partehartzaile baino geihago inskribatu arren erdiak besterik ez zuen parte hartu.
 |
| Haitz uretatik atera ostean |
Igerilari haien artean Haitz Mitxelena, buruntzaldeako igerilaria, eduki genuen eta haren ondoan Hernaniko Aitor Huizi eta Txomin Mujika ere aritu ziren igerian. Ur hotza alde batera utzita pentsatu gabe ekin zioten igerilariek. Kanpotik berriz Oier Mitxelena eta Jonan Izuzkiza aritu ziren gogor animatzen hiru igerilari hauei.Azpimarragarria izan zen Jonan Izuzkizaren solidaritatea, honek igeri egin ez arren, apuntatu egin baitzen Pakistango umeen hobebeharrez.
 |
| Haitz Mitxelena, Txomin Mujika eta Aitor Huizi. |
Hurrengo urtean, berriro ekingo diola dio Haitzek Odon Elorzaren eskuzabaltasuna areagotzen bada, hondartzako kabinetan ur beroa jarriz.
Iruzkinak
Argitaratu iruzkina