Pasa den larunbatean, martxoaren 15ean, Alebin Ligako 5. jardunaldia ospatu zen Tolosako Usabal kiroldegian. Gure taldetik Aitor Ormazabal, June Apeztegia, Aiala Erro, Izaro Bautista, Kerman Miguel eta Urko Azpiazuk hartu zuten parte.
Arratsaldea gezi forman, krol hanken 25ekoa bat egiten hasi genuen. Ariketa honek gure igerilariek uretan duten posizioa eta hanken mugimenduaren maila ikusten lagundu zigun.
Jardunaldia bera gizonezkoen estilo libreko 800 metrokoarekin hasi zen eta bertan Aitor, Kerman eta Urko ederki aritu ziren. Honen ondoren emakumezkoen 100 librearen txanda izan zen eta 2012 urteko gure taldeko neskek euren markak hobetzea lortu zuten. Jarraian, gizonezkoen bular estiloko 200 metrokoa etori zen eta bertan, aurreko 800 libreko nekea pixkat bat antzeman arren, igeri egiteko era apartak eduki zituzten gureek. Emakumezkoen bizkar estiloko 200 metrokoen txanda iritsi zen ondoren eta, estiloa asko hobetu zutela erakutsiz, neskek marka hobekuntzak lortu zituzten. Azkenik, estilo libreko 50 metrokoan, Izarok eta Urkok aparteko taktika erakutsi zuten. Jardunaldia lau estiloetako 4x100 errelebu mistoarekin amaitu genuen, non gure gaztetxoek dena eman zuten jardunaldia bukatzeko.
hauek izan ziren azken jardunaldi honetan lortutako marka hobekuntzak:
- Aitor Ormazabalek 800 librea, 200 bular proba eta 100 bizkar
- June Apeztegiak 100 libre eta 200 bizkar
- Aiala Errok 100 libre eta 200 bizkar
- Izaro Bautistak 100 libre eta 50 libre
- Kerman Miguel-ek 800 libre eta 200 bular
- Urko Azpiazuk 800 libre eta 50 libre
Denboraldia aurrera doa, azken jardunaldi honek gogor lan egiteko balio izan digu eta hobekuntza nabarmenak ikusi ditugu. Denboraldi amaiera indar askorekin bukatuko dugula ziur gaude. Hurrengo ajardunaldia iristeko desiatzen gaude, emakumezkoen estilo libreko 800 metrokoa eta tximeleta erako 200 metrokoa bezalako probetan parte hartzeko. Entrenamenduetan gogor ari gara hitzordua prestatzeko.
Zorionak denoi! Burunpower!
Iruzkinak
Argitaratu iruzkina