Buruntzaldea Igeriketa- Albisteak

Pasa den asteburuan Iñaki García taldekidea Oviedon izan da, Euskadiko Selekzioarekin Selekzio Autonomikoen Arteko Espainiako Igeriketa Txapelketan lehian. Bertan parte-hartze haundia izan du Iñakik, banakako lau probatan eta bi errelebutan lehiatu baita, guztira sei proba burutuz. Bere banakako probei dagokionez, emaitza onak lortu dituela esan beharra daukagu. Estilo libreko 100 metrokoan bere onenetik 4 ehunekotara aritu zen 59,56 eginez eta gainontzeko hiru probatan marka pertsonalak egitea lortu zuen. Bizkar estiloko 100 metroetako erregistro berria 1:05,63an utzi zuen eta estilo bereko 200 metrokoa aldiz 2:22,97an. Lau estiloetako 200 metrokoan ere marka pertsonal berria 2:30,11n ezarri zuen Iñakik. Lortutako marka pertsonal hauek marka politak direnaren erakusgarri taldeko 14 urteko 4 errekor berri lortu izana da. Aipatutako markak 100 eta 200 bizkar probatan eta lau estiloetako 200 metrokoan taldeko 14 urteko errekor berriak dira eta baita 100 bizkar probako 50 metroko pasean l

Taldeko laukotea igerileku luzean esperientzia hartuz, pozik itzuli da Iruñeako Euskal Herriko Txapelketatik

Pasa den asteburuan txapelketa ona burutu zuten gure taldekideek Iruñeako Amaya Kirol Hirian ospatu zen junior eta absolutu mailako Euskal Herriko Neguko Txapelketan. Gure taldetik lau igerilari bertaratu ziren: June López, Garazi Etxeberria, Iker Gorostegui eta Miren Sarobe. Denen artean 11 marka pertsonal egitea eta bi brontze etxeratzea lortu zuten. June López bizkar erako 50, 100 eta 200 metroko probetan eta 100 librean aritu zen eta igeri egindako proba guztietan marka pertsonalak egitea lortu zuen. Bizkar erako 50 metrokoan 35.08 egin zuen, 100 metrokoan 1:14.92 eta proba luzeenean, 200 metrokoan, 2:40.71-ean geratu zuen kronoa. 100 librea igerileku luzean egiten zuen lehen aldia izan zen eta erregistroa 1:06.00-an utzi zuen. Gaineratu beharra dago June gaixorik egon dela bi egunetan; beraz, alde horretatik oso pozik egoteko moduan gaude, horrela egonda ere lehiatzen jarraitu, horretarako esfortzua egin eta maila txukunean aritu baita. Bejondeizula! Garazi Etxeberria eta Miren Sa

4. jardunaldia ere bikain gainditu zuten txikiek

Pasa den larunbatean, gure taldeko txikienek euren Test/KZL Ligari jarraipena eman zioten laugarren jardunaldiarekin. Laugarren jardunaldi hau Tolosan ospatu genuen, Usabal kiroldegian eta bertan, gure taldetik, adin tarte honetako 7 haur aritu ziren. Jardunaldi osoa benjamin kategoriakoa izanik, 2014 eta 2013ko haurrek, tximeleta estiloko 25 edo 50 metroko proba izan zuten. Haur hauentzat garrantzitsuena arautegiaren inguruko ezagutza eta estiloen ikaskuntza izanik denak primeran aritu zirela esan behar dugu. Adin tarte honetan aritu ziren 2013ko gure taldeko haurrak Axel Fuertes eta Irai Ormazabal izan ziren, 25 metrokoan Irai eta Axel berriz 50 metrokoan. Saio amaieran, Igartza igeriketa taldeko hiru neska eta mutil batekin batera 6x25 bular estiloko errelebua burutu zuten bi taldekide hauek. Benjamin kategorian baita ere, baina helduxeagoetan, 2012ko neska-mutilek eta 2011ko mutilek lau estiloetako 100 metrokoa eta 200 edo 400 libre probak izan zituzten aukeran. Adin tarte honetan

Alebinek markak hobetuz jarraitzen dute

Alebinen taldeak euren ligako bosgarren jardunaldia Tolosako Usabal Udal kiroldegian izan zuen pasa den larunbatean, benjaminen saioren ondoren. Bertan alebin kategorian, gure taldeko bost haur izan ziren lehian. Jardunaldi honetarako adin tarte honetako haurrek 1500 librea eta 200 bular probak izan zituzten gizonezkoetan eta 100 librea eta 200 bizkar proba emakumezkoetan. Aurreko jardunaldian bezala, honetan ere proba sendoak izan zituzten gure haurrek, euren kategoria aldaketari dagozkien neurrikoak. Gizonezkoei dagokionez, 1500 metroko proban jarri genuen arreta gehien, oso proba osoa delako adin hauetako haurrentzat, distantzia luze baten kontrola eta esfortzuaren kontrola biltzen dituelako bere baitan. Proba honetan aritu ziren Iñaki García, Oihan Matute, Mario Amantegi eta Kimetz de la Cruz. Emaitzei dagokionez, guztiek hobekuntza nabarmenak egitea lortu zutela esan behar dugu. Iñaki Garcíak 19:49,87 eginda Euskal Herriko Txapelketarako gutxienekoa egin zuen. Gutxienekoaren atar

Hiru hitzordu asteburu honetarako

Gure klubeko igerilariek hitzordu berriak bat izango dituzte asteburu honetan. Alde batetik, sailkatu diren infantil, junior eta absolutuek Gipuzkoako Udaberriko Saria izango dute Irungo Azken Portu udal kiroldegian. Txapelketa honek goiz eta arratsaldeko jardunaldiak izango ditu eta larunbatean zein igandean jokatuko da. Goizeko jardunaldiak 10:30etan hasiko dira eta arratsaldekoak berriz 17:00etan larunbatean eta 16:30etan igandean. Bestalde, Nahia Zudaire Madrilgo M86 igerilekuan izango da, Erkidego Arteko Igeriketa Egokituko Absolutu mailako Txapelketa n lehian. Txapelketa honetan Nahiak Euskadiko selekzioa ordezkatuko du eta 100, 200 eta 400 librean lehiatuko da. Litekeena da errelebuko probetan ere parte hartzea. Jardunaldiak 10:00etan eta 17:00eta hasiko dira larunbatean eta goizeko 10:00etan igandean.. Azkenik, Gipuzkoako Federazioaren deialdian oinarrituta, Iñaki Garciak, Oihan Matutek, Ibon Elolak eta Mario Amantegi alebinek teknifikazio jardunaldia izango dute larunbat g

Buruntzaldea IKT Joan profilera
Buruntzaldea IKT Joan profilera

- Lege Oharra eta Pribatutasun Politika
- Patrozinio dosierra

Blogger zerbitzuak eskainia