Buruntzaldea Igeriketa- Albisteak

Egun paregabea pasa zuten gureek Gasteizen, Euskadiko Eskolarteko Kirol Jokoetan Maiatzaren 28an, 11 taldekide Gipuzkoako Selekzioarekin 39. edizioa izan duen Euskadiko Eskolarteko Kirol Jokoetan parte hartzen izan ditugu Gasteizko Mendizorrotzako igerilekuan. Bertaratu zirenak honakoak izan ziren: Oihan Matute, Saray Lobato, Amaiur Iparragirre, Nora Miguelez, Iñaki García, Ibon Elola, Ane Meyer, Hodei Barcina, Mayi Gorostegui, Irati Etxeberria eta Mario Amantegi. Gogotsu, lagun berriak eginez eta esperientzia berriak bizituz aritu ziren gure gazteak Gasteizen eta marka pertsonal mordoarekin zein podium batekin itzuli ziren etxera. Haietako batzuk Udarako Txapelketetan parte hartzeko gutxiengoak lortzeko helburuarekin egin zuten igeri eta Mayi Gorosteguik 200 lau estiloetako proban Gipuzkoako Udarako Txapelketarako gutxienekoa eskuratu zuen 3:11,07 denborarekin. Mario Amantegi berriz, 400 lau estiloetako proban Alebinen Euskal Herriko Txapelketarako txartela lortzetik ehuneko gutxietar

Txapeldun bat, 3 zilar, brontze 1, 28 marka pertsonal berri, taldeko errekor berri bat eta Espainiako errekor berri bat V. Gipuzkoa Open Sarian eta Igeriketa Egokituko Euskadikoan

Pasa den asteburu osoan zehar taldeko igerilari mordoa V. Gipuzkoako Open Sarian izan genituen lehian, Donostiako Paco Yoldi igerilekuan. Goizez kanporaketa serietan aritu ziren eta arratsaldetan gureetako batzuk finaletan egotea ere lortu zuten. Partaideen artean, gure taldeko 9 igerilari izan ziren: June Lopez, Iker Gorostegui, Garazi Etxeberria, Miren Sarobe, Unai G. Somovilla, Nora Imaz, Saioa Elola, Izaro Audikana eta Alba Escribano. V. Open Sariaren barnean txertatuta, Nahia Zudaire ere Igeriketa Egokituko Euskadiko Txapelketan aritu zen. Askorentzat igerileku luzean lehiatzen zuten lehen aldia izan zen eta zalantza edo ezjakintasun handiarekin zeuden arren, gogotsu egin zioten aurre erronka berri horri. Azkenean, denen artean 28 marka pertsonal ezartzea lortu zuten eta horrez gain, lau taldekide izan genituen finaletan parte hartzen (Garazi Etxeberria, Unai G. Somovilla, Nora Imaz eta Izaro Audikana). Ezarritako markak honakoak izan ziren: June Lopezek 50 bizkarrekoa (35,75), 20

3 urre, zilar 1, 6 brontze, klubeko 2 errekor berri eta EHkorako gutxieneko berriak Ordiziako Alebinen Gipuzkoakoan

Pasa den asteburuan, larunbat arratsaldeko eta igande goiz eta arratsaldeko jardunaldietan, Gipuzkoako Alebin Txapelketa ospatu zen. Lehiaketan gure klubeko lau mutilek eta hiru neskak hartu zuten parte: Iñaki García, Mario Amantegi, Ibon Elola, Oihan Matute, Nora Miguelez, Amaiur Iparragirre eta Nora Rey. Denek lortu zuten aurreko erregistroak hobetzea, adin hauetan normala den bezala, baina horretaz gain, ondo lehiatzen jakin zutela esan behar dugu, proba bakoitzean ahalik eta gehien saiatuz eta, bereziki mutilen kasuan, proba programa mardul bat burutuz, banakako probaz gain, erreleboei aurre egin behar izan baitzieten Euskal Herriko Txapelketarako gutxienekoak lortu ahal izateko. Egindako probei dagokienez, klubeko kide gehienek lortu zuten podiumera igotzea Txapelketan zehar, eta denen artean 10 domina lortu zituzten, honela banatuta: Iñaki Garcíak urrea 200 bizkar eta 100 estilotan, brontzea 200 estilotan. Mario Amantegi urrea 400 estilotan eta brontzea 400 librean eta 200 librea

Lasarteko XXXI. Saria asteburuan

Bi urteko geldialdiaren ondoren, aurtengoan berriro ere Lasarteko Saria ospatuko da Maialen Chourraut Udal Kiroldegian. Aurtengoa 31. edizioa izango da eta larunbat arratsalde eta igande goizeko jardunaldietan jokatuko da. Larunbat arratsaldean benjamin kategoriako haurrak arituko dira: 2013an, 2012an eta 2011n jaiotako neska-mutilak eta 2010eko mutilak. Jardunaldi honetan, gure taldeaz gain, Ordizia taldeko haurrak eta Hernani taldeko haurrak arituko dira. Jardunaldi hau 16:00etatik aurrera hasiko da. Igande goizeko probak aldiz 10:00etatik aurrera hasiko dira eta ondorengo adin guztiek hartuko dute parte. Jardunaldi honetan, gure taldeaz gain, Iruñako Amaya, Zarautz Balea, Hernani KE, Ordizia eta Fortuna izango dira lehian arituko direnak. Txapelketako webgunea hauxe da: https://www.lasartekosaria.buruntzaldeaikt.eus/index.html Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa.html#deiald

12 marka pertsonal eta Euskal Herriko Udarako Txapelketarako 3 gutxieneko

Pasa den larunbat arratsaldean, 16:00tatik aurrera Gipuzkoako trofeoen B zirkuituko bigarren jardunaldiko Ordizia Sarian izan genituen lehian Izaro Audikana, Saioa Elola, Alba Escribano, Iker Gorostegui, June Lopez eta Jurgi Sukunza taldekideak. Denboraldiaren amaiera gerturatzen ari den honetan, marka hobekuntzak eta helburuen lorpenak iristen ari direla ikusten gabiltza eta honek poz handia ematen digu denoi! Parte hartzaile guztien artean 12 marka pertsonal lortu zituzten eta haietako hiruk, baita Udako Euskal Herriko Txapelketan parte hartzeko gutxienekoak ere. Hona hemen marka pertsonalen zerrenda: - Alba Escribanok 100 librekoa (1:09,79). - Jurgi Sukunzak 100 bizkarrekoa (1:11,36). - Izaro Audikanak 50 bular (38,94), 200 lau estiloak (2:39,55) eta 50 tximeletakoa (35,96). - Saioa Elolak 50 libre (30,49), 200 lau estiloak (2:51,22) eta 50 tximeletakoa (35,95). - Iker Gorosteguik 50 tximeleta (30,49) eta 200 librekoa (2:09,59). - June Lopezek 50 libre (29,87) eta 200 bizkarrekoa (2

Lege Oharra eta Pribatutasun Politika
Patrozinio dosierra

Blogger zerbitzuak eskainia