Buruntzaldea Igeriketa - Albisteak

Pasa den larunbatean, hilaren 11n, taldeko master taldeko lau kide Eibarko Ipurua kiroldegian izan ziren, Gipuzkoako Open Master Txapelketa n lehian. Bertan izan ziren Manu Santos, Miren Bardaji, Borja Apeztegia eta Itsaso Tolosa. Lauren artean marka pertsonal andana eta taldeko errekor berri ugari ezartzea lortu zuten. Hori baino garrantzitsuago izan zen, hala ere, master taldeko igerilariak berriro ere lehian izatea eta txapelketaren jardunarekin horrenbeste gozatzen ikustea. Jardunaldiak bi saio izan zituen eta saioetako bakoitza errelebu batekin hasi eta amaitu zen. Gure taldekideek eraketa mistoan bi errelebu osatu zituzten: lau estiloetako 4x50 metrokoa eta estilo libreko 4x50 metrokoa. Horretaz gain, taldekide bakoitzak bi edo hiru banakako proba ere burutu zituen: Manu Santos-ek 200 librea eta 100 librea. Miren Bardajik 100 bular proba eta 400 librea Borja Apeztegiak 50 bular proba eta 50 librea Itsaso Tolosak 50 eta 100 bizkar probak eta 50 tximeleta Orokorrean, gure taldekide...

Gabonetako ordutegiak

Gabonak direla eta, hauek izango dira multzo desberdinek izango dituzten egutegi eta ordutegiak. Norbaitek, egunerokoan, bere adinekoa ez den talderen batekin entrenatzen badu, ohikoa duen talde horren egutegia eta ordutegiak hartu behar ditu erreferentzia gisa. Andoaingo haur eta gazteek ere Lasarte-Orian izango dute entrenamendua, dagokien adinaren egun eta ordutegian, abenduaren 26tik urtarrilaren 12ra bitartean kiroldegiko sapaiko lanak gauzatzea aurreikusita dagoelako.

42. Gabonetako Igeriketako Nazioarteko Saria, ostiral honetan paco Yoldin

Urtero bezala, abenduaren 27an Nazioarteko Eguberrietako Igeriketa Txapelketa ospatzen da berriro ere. Aurten igerileku luzean izango da txapelketa, beraz, Donostiako Paco Yoldin izango da. Txapelketan maila handiko nazioarteko igerilariak elkartuko dira eta gure igerilariek nazioarteko igeriketako erreferentzia handi hauekin batera lehiatzeko aukera izango dute. Gure klubetik Garazi Etxeberria, Miren Sarobe, Ibon Elola, Oihan Matute, Mayi Gorostegui eta Iker Gorostegui lehiatuko dira. Txapelketak kanporaketa saioak izango ditu goizez (10:00etatik aurrera) eta finalak arratsaldez (18:00etatik aurrera). Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia Zorte on denoi!

Marka pertsonalak eta taldeko errekorrak Eguberrietako Nazioartekoan

Pasa den abenduaren 27an Eguberrietako Igeriketako Nazioarteko Saria ospatu zen donostiako Paco Yoldi igerilekuetan. Bertan, Gipuzkoako zein Euskal Herriko igerilariez gain, estatu mailan eta nazioarteko mailan dabiltzan igerilariak ikusteko parada izan genuen. Gure taldetik sei igerilarik hartu zuten parte: Garazi Etxeberriak, Iker Gorosteguik, Miren Sarobek, Oihan Matutek, Ibon Elolak eta Mayi Gorosteguik. Seiren artean honako probak burutu zituzten kanporaketa serieetan: estilo libreko 50a, bizkar estiloko 50 metrokoa, bular estiloko 50 metrokoa, tximeleta erako 100 metrokoa, estilo libreko 100 metrokoa eta lau estiloetako 200 metrokoa. Burututako probetan, hauek izan ziren lortutako marka hobekuntzak: Ibon Elola 50 bizkar Miren Sarobe 100 estilo librean Oihan Matute 50 tximeleta eta 50 bular Mayi Gorostegui 50 bizkar Iker Gorostegui 100 tximeleta Gabonetako entrenamenduetan guztiz murgilduta, gure gazteek aurreko egunetan burututako saio bikoitzekin batera, txapelketa honek g...

Hitzordu berria: XXIV. Paco Sánchez Saria

Larunbat honetan, Tolosako Usabalen, benjaminak eta alebinak XXIV. Paco Sánchez Saria n izango dira. Adinaren arabera, igerilariek proba desberdinak izango dituzte, programako aukerak hauek direlarik: 50/100 tximeleta, 50/100 bizkar, 50/100 bular, 50/100 libre eta lau estiloetako 200 metrokoa. Trofeoa estilo libreko 12x50 errelebu mistoarekin amaituko da. Gure taldeko 24 haur izango dira bertan. Saria 15:30etan hasiko da. Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia Animorik haundienak denoi!! BRNPWR!!

- Lege Oharra eta Baldintza Orokorrak
- Pribatutasun Politika eta Datu Pertsonalen Babesa
- Patrozinio dosierra

Orri-ikustaldiak guztira

Blogger zerbitzuak eskainia