Buruntzaldea Igeriketa - Albisteak

Pasa den abenduaren 29an urtero ospatzen den Gabonetako Nazioarteko Sarian izan ziren gure taldeko sei igerilari, Donostiako Paco Yoldi igerilekuan: Saioa Elola, Garazi Etxeberria, Iker Gorostegui, Miren Sarobe, Unai Somovilla eta Nahia Zudaire. Aurten XL. edizioa izan da eta ohi bezala, maila goreneko igerilariak gerturatu ziren Donostiara, txapelketa polita eta motibagarria bilakatuz. Goizeko sailkapen fasean, txukun aritu ziren gureak, bakoitzak gutxienez marka pertsonal bat egitea lortu zuelarik. Saioa Elolak 50 bizkar proban 37.68 denboran utzi zuen bere marka pertsonal berria eta 50 libre proban bere onenetik ehuneko gutxietara geratu zen. Garazi Etxeberriari 50 tximeleta proban berbera gertatu zitzaion, 50 librean bere marka berdindu zuen eta 100 librean berriz, bere erregistrorik onena lortu zuen 1:00.85 denborarekin. Azken bi proba hauetan arratsaldeko finaletara sailkatzea lortu zuen, bietan 7.postuan. Iker Gorosteguik 50 eta 100 tximeleta probatan hartu zuen parte eta b...

Asteburu bikaina taldearentzat, hainbat hobekuntza eta klubeko errekorrekin

Aurreko asteburuan, martxoaren 29 eta 30ean, Gipuzkoako Kluben arteko Kopa ospatu zen Tolosako Usabal kiroldegian. Bertan gure taldetik Garazi Etxeberria, Iker Gorostegi, Miren Sarobe, Mayi Gorostegi, Irati Etxeberria, Oihan Matute, Mario Amantegi, Ibón Elola, Kimetz de la Cruz, Amaiur Iparragirre, Ane Meyer, Nora Miguelez eta Ander Martínezek hartu zuten parte. Marka hobekuntza mordoa izan genituen txapelketan zehar: Garazi Etxeberria: 50 libre (taldeko absolutu mailako errekorra), 100 bular eta lau estiloetako 100 metroak. Iker Gorostegi: lau estiloetako 200 metroak (taldeko absolutu mailako errekorra) eta 200 tximeleta. Miren Sarobe: lau estiloetako 100 eta 400 metroak eta 200 tximeleta. Mayi Gorostegi: 200 bizkar eta lau estiloetako 400 metroak. Oihan Matute: 100 (taldeko 16 urteko errekorra) eta 200 bular (taldeko 16 urteko eta absolutu mailako errekorra) eta lau estiloetako 400 metroak. Mario Amantegi: 200 libre, lau estiloetako 100 metroak eta 50 libre. Ibón Elola: bizkar erako ...

Aste Santuko ordutegiak

Aste Santuan zehar, apirilaren 14tik 27a bitartean (biak barne) ez dugu entrenamendurik izango eta taldeko igerilari guztiek jai izango dute.

Aitor gustura Alebinen Teknifikazioko bigarren saioan

Pasa den larunbatean, Aitor Ormazabal taldekidea Alebin mailako bigarren teknifikazio saioan izan zen, Donostiako Paco Yoldin. Gipuzkoako Federazioak antolaturiko saio honetan Gipuzkoa osoko 2012ko 26 neska-mutil eta 2013ko 25 neska-mutil elkartu ziren entrenatu bateratua egiteko. Goizeko 11:00tan hasi zen saioa, harrera eta lehorreko ariketekin. Ondoren, 12:00etatik 14:00etara bitartean uretako saioa izan zuten. Egun berezi baten esperientzia izateko aukera izan zuen Aitorrek eta baita lehen aldiz igerileku luzean entrenatzekoa ere. Ziur gaude pixkanaka esperientzia hartze lagunduko diotela horrelako saioek. Hurrengoan ere bertan egoteko moduan izatea nahiko genuke. Zorionak Aitor! Segi horrela!

Kluben arteko Kopa Tolosan eta Alebin Teknifikazioa Donostian, asteburu honetan

Gure taldeko igerlariek bi hitzordu berri izango dituzte asteburu honetan. Batetik, infantil, junior eta absolutuen taldeak Gipuzkoako Kluben Arteko Kopa izango du Tolosako Usabal kiroldegian. Lehiaketa asteburu osoan zehar jokatuko da, goiz eta arratsaldeko jardunaldietan. Goizeko jardunaldiak 10:00etan hasiko dira eta arratsaldekoak berriz 16:30etan. Bestetik, Aitor Ormazabal taldekide alebina Donostiako Paco Yoldin izango da larunbatean, Gipuzkoako Igeriketa Federazioaren Alebin kategoriako 2. Teknifikazio saioa n. Saioa goizeko 11:00tan hasiko da eta eguerdiko 14:00ak bitartean izango da. Deialdien eta lehiaketen inguruko informazio guztia gure webgunean aurkituko duzue, ondorengo estekan: https://www.buruntzaldeaikt.eus/lehiaketa/egutegia#h.9xischp06awl Animorik haundienak denoi!! BRNPWR!!

- Lege Oharra eta Baldintza Orokorrak
- Pribatutasun Politika eta Datu Pertsonalen Babesa
- Patrozinio dosierra

Orri-ikustaldiak guztira

Blogger zerbitzuak eskainia